Elimizde 1 aıǵa jýyq azyq-túlik baǵasy ózgermedi

Qazaqstanda tórt apta boıy áleýmettik mańyzy bar azyq-túlik taýarlarynyń baǵasy turaqty saqtaldy, dep habarlaıdy Qandastar.kz.

Bul týraly BAQ.KZ jazdy.

Atalǵan aqparat Premer-mınıstrdiń orynbasary – ulttyq ekonomıka mınıstri Serik Jumanǵarınniń tóraǵalyǵymen ótken ınflıaııaǵa qarsy sharalar jónindegi keńeste aıtyldy.

Ulttyq ekonomıka birinshi vıe-mınıstri Azamat Ámrınniń málimetinshe, tamyz aıynda jyldyq ınflıaııa 12,2%-ǵa jetken. Eń joǵary ósim Qaraǵandy (14,4%), Ulytaý (13,6%) jáne Aqmola (13%) oblystarynda, sondaı-aq Astana (12,8%) men Almatyda (12,7%) tirkeldi.

Inflıaııaǵa eń kóp áser etken sektorlar – aqyly qyzmetter. Atap aıtqanda, kommýnaldyq qyzmetter 2,9%-ǵa, kólik 1,7%-ǵa, densaýlyq saqtaý salasy 0,9%-ǵa qymbattaǵan. Al keıbir taýarlar, mysaly tońazytqyshtar men gaz plıtalary arzandaǵan.

Azyq-túlik ınflıaııasy bıylǵy ekinshi toqsannan beri eki ese baıaýlaǵan. Tamyzda bul kórsetkish 0,5% ǵana boldy. Áleýmettik mańyzy bar taýarlar baǵasynyń turaqtanýy olardyń ındeksin jyl basynan beri alǵash ret 7,8%-ǵa deıin tómendetýge múmkindik bergen.

Saýda jáne ıntegraııa birinshi vıe-mınıstri Aıjan Bıjanovanyń aıtýynsha, baǵanyń turaqtaýyna óndirýshilermen jasalǵan kelisimder jáne keıbir ónimderdiń arzandaýy sebep boldy. Apta ishinde kókónister men kúrish arzandap, qant baǵasy tómendegen. Al tuz ben kúnbaǵys maıy baǵasynyń ósýi báseńdegen.