Елімізде бензин тапшылығын болдырмау үшін экспорт шектелмек

Фото: Энергетика министрлігі

Қазақстан кейбір мұнай өнімдерін Еуразиялық экономикалық одақ аумағынан тыс жерге тасымалдауды шектемек, деп хабарлайды Qandastar.kz.

Энергетика министрлігінің хабарлауынша, бүгінгі таңда АИ-92 жанар-жағар майы мен дизель отынына сұраныс артып келеді. Қаржы мониторингі агенттігінің ақпараты бойынша «жабын тауарлары» түріндегі жанар-жағар май «сұр» экспортының және ағындарының ай сайынғы көлемі 10 мың тоннаға жетеді. Бұл баға шекаралас елдерге қарағанда 17 – 107% -ға төмен болып отыр. Сол себепті бензин мен дизель отынын жасырын жолмен тасымалдау деректері көбейген. Осылайша, «жабын тауарлары» деген атпен мұнай өнімдерін әкетуге бақылауды күшейту талап етілмек.

«Қазақстан Республикасы Энергетика министрінің 2023 жылғы 24 наурыздағы № 118 бұйрығына өзгеріс енгізу туралы» Қазақстан Республикасы Энергетика, сауда және интеграция, қаржы және Ұлттық экономика министрліктерінің Еуразиялық экономикалық одақтың кедендік аумағынан тыс жерлерге Қазақстан Республикасынан экспортқа тыйым салынған немесе шектелген мұнай өнімдерінің тізбесін бекіту туралы» бірлескен бұйрығының жобасы (бұдан әрі — бұйрық жобасы) дайындалды.

Бұйрықтың жобасы бұйрыққа қосымшаға сәйкес Қазақстан Республикасының аумағынан Еуразиялық экономикалық одақтың кедендік аумағынан тыс мұнай өнімдерінің жекелеген түрлерін әкетуге тыйым салуды 2024 жылғы 31 желтоқсаннан 2026 жылғы 31 желтоқсанға дейін ұзартуды көздейді.

Мұнай өнімдерін ЕАЭО-дан тыс жерлерге әкетуге тыйым салу мынадай мүмкіндік береді:

қазақстандық МӨЗ-дің жұмыс істемейтін қуаттарын жүктеу және тиісінше елдегі автобензин тапшылығын азайту;

бажсыз жеткізу шарттарын орындау және ЕАЭО мұнай және мұнай өнімдерінің ортақ нарықтары құрылғанға дейін импорттық мұнай өнімдерінің кері экспортын алып тастау.

Мұнай өнімдері экспортына тыйым салу мерзімін тағы екі жыл ұзартуға қатысты құжат 23 қазан күні «Ашық НҚА» сайтында жарияланды.