Жаңалықтар
Елімізде мемлекеттік қызметшілерді тәртіптік жауапкершілікке тарту тәртібі өзгерді
Атап айтқанда, мемлекеттік саяси қызметшілерді тәртіптік жауапкершілікке тарту тәртібі өзгерді.
Мемлекеттік саяси қызметші бұрынғы мемлекеттік лауазымда тәртіптік теріс қылық жасағаны үшін тәртіптік жауаптылыққа тартылады.
Егер бұрынғы мемлекеттік лауазым саяси мемлекеттік лауазым болып табылған жағдайда, онда тәртіптік жауапкершілік мәселесін қарауды мемлекеттік қызметші тәртіптік теріс қылық жасау кезінде лауазымды атқарған Мемлекеттік орган мемлекеттік саяси қызметшілер бөлігіндегі Қағидалардың тиісті ережелерін қолдана отырып жүзеге асырады.
Егер бұрынғы мемлекеттік лауазым мемлекеттік әкімшілік лауазым болып табылса, онда тәртіптік жауапкершілік мәселесін қарауды мемлекеттік қызметші тәртіптік теріс қылық жасау кезінде лауазымды атқарған Мемлекеттік орган мемлекеттік әкімшілік қызметшілер бөлігінде Қағидалардың тиісті ережелерін қолдана отырып жүзеге асырады.
Мемлекеттік саяси қызметшіге тәртіптік жазаны тәртіптік жаза қолдану мерзімдері шегінде соңғы атқаратын лауазымы бойынша уәкілетті тұлға қолданатыны көрсетіледі.
Саяси мемлекеттік қызметшінің атқарып отырған саяси мемлекеттік лауазымдағы өкілеттігі тоқтатылған күнге дейін алынбаған тәртіптік жаза осы өкілеттігі тоқтатылған күннен бастап алынып тасталды деп нақтыланды.
Сондай-ақ әкімшілік мемлекеттік қызметшілерді тәртіптік жауапкершілікке тарту тәртібі өзгерді.
Мемлекеттік әкімшілік қызметші бұрынғы мемлекеттік лауазымда тәртіптік теріс қылық жасағаны үшін тәртіптік жауаптылыққа тартылады.
Егер бұрынғы мемлекеттік лауазым саяси мемлекеттік лауазым болып табылған жағдайда, онда тәртіптік жауапкершілік мәселесін қарауды мемлекеттік қызметші тәртіптік теріс қылық жасау кезінде лауазымды атқарған Мемлекеттік орган мемлекеттік саяси қызметшілер бөлігінде Қағидалардың тиісті ережелерін қолдана отырып жүзеге асырады.
Егер бұрынғы мемлекеттік лауазым әкімшілік мемлекеттік лауазым болып табылған жағдайда, тәртіптік жауапкершілік мәселесін қарауды мемлекеттік қызметші тәртіптік теріс қылық жасау кезінде лауазымды атқарған Мемлекеттік орган әкімшілік мемлекеттік қызметшілер бөлігінде Қағидалардың тиісті ережелерін қолдана отырып жүзеге асырады.
Мемлекеттік әкімшілік қызметшінің уәкілетті тұлғасы:
- қызметтік тергеуді тоқтата тұру және қайта бастау үшін негіз болып табылатын материалдар мен мәліметтерді уақтылы ұсынады;
- мемлекеттік қызметшінің тәртіптік жауапкершілігі мәселесін жан-жақты және объективті қарау үшін өзге де жәрдем көрсетеді.
Мемлекеттік әкімшілік қызметшінің тәртіптік теріс қылығы бойынша қызметтік тергеп-тексеру мемлекеттік қызметші теріс қылық жасаған кезде лауазымды атқарған мемлекеттік органның уәкілетті адамының актісімен тағайындалады.
Қызметтік тергеп-тексеруді тағайындау туралы және мемлекеттік әкімшілік қызметшінің тәртіптік теріс қылықтары туралы мәліметтер қызметтік тергеп-тексеру тағайындалған күннен бастап үш жұмыс күні ішінде мемлекеттік әкімшілік қызметші лауазымды атқаратын мемлекеттік органның уәкілетті адамына хабарланады.
Қызметтік тергеп-тексеру материалдарын мемлекеттік қызметші теріс қылық жасаған кезде мемлекеттік әкімшілік лауазымды атқарған мемлекеттік органның комиссиясы қарайды және тәртіптік жаза қолдану туралы ұсыным шығарылған жағдайда, мемлекеттік қызметші теріс қылық жасаған кезде лауазымды атқарған мемлекеттік органның уәкілетті адамы бес жұмыс күні ішінде мемлекеттік қызметшінің соңғы жұмыс орны бойынша тиісті материалдарды жібереді.
Мемлекеттік әкімшілік қызметшіге тәртіптік жазаны мемлекеттік органның уәкілетті адамы соңғы атқаратын лауазымы бойынша тәртіптік жаза қолдану мерзімдері шегінде қолданады.
Уәкілетті адам басқа мемлекеттік органнан берілген қызметтік тергеп-тексеру материалдарын және Комиссияның мемлекеттік әкімшілік қызметшінің бұрынғы мемлекеттік лауазымдағы тәртіптік теріс қылықтары бойынша тәртіптік жаза қолдану туралы ұсынымдарын қараған кезде қосымша қызметтік тергеп-тексеруге материалдар жіберілмейді.
Мемлекеттік қызмет тоқтатылған күнге дейін алынбаған тәртіптік жаза мемлекеттік әкімшілік қызметші мемлекеттік қызмет тоқтатылған күннен бастап алынып тасталды деп есептеледі.
Мемлекеттік қызмет істері агенттігі түзетулер бұзушылықтардың алдын алу және мемлекеттік қызметшілердің міндеттерін тиісінше орындау кепілдіктерін нығайтуға бағытталғанын түсіндірді.
Жарлық 19 мамырдан бастап қолданысқа енгізіледі.
