Elimizde pedofılderge kastraııa jasalady

Foto:schuchin.gov.

Qazaqstanda pedofılderge qatysty hımııalyq kastraııany mindetti túrde qoldanýǵa baǵyttalǵan jańa ózgeris daıyndalýda, dep habarlaıdy qandastar.kz

Densaýlyq saqtaý mınıstriniń «Medıınalyq májbúrleý sharalaryn qoldaný qaǵıdalaryn bekitý týraly» buıryǵyna ózgeris engizý jobasynda:

«Jaza merzimi aıaqtalýǵa alty aı qalǵanda hımııalyq kastraııa qoldaný qarastyrylyp otyr. Sonymen qatar, mekeme ákimshiligi sotqa sot-psıhıatrııalyq saraptama taǵaıyndaý úshin materıaldardy jazasyn óteý merzimi aıaqtalǵanǵa deıin 12 aıdan keshiktirmeı joldaýy tıis. Saraptama adamnyń psıhıkalyq aýytqýy men jynystyq zorlyqqa beıimdiligin anyqtaý úshin júrgiziledi», – delingen.

Aıta keteıik, Qazaqstanda hımııalyq kastraııa 18 jastan asqan jáne kámeletke tolmaǵandarǵa qarsy jynystyq qylmys jasaǵan adamdarǵa qatysty qoldanylady. Bul – tek sot sheshimimen jáne mindetti sot-psıhıatrııalyq saraptama nátıjesi negizinde júzege asatyn májbúrli medıınalyq shara. Saraptama sottalýshynyń psıhıkalyq esi durys ekenin jáne «pedofılııa» dıagnozy baryn rastaýy qajet.

Kastraııa antıandrogendi preparattardy únemi egý arqyly júrgiziledi jáne adamnyń jynystyq qumarlyǵyn basýǵa baǵyttalǵan. Eger densaýlyq jaǵdaıyna baılanysty mundaı sharany qoldanýǵa bolmaıtyn bolsa, sottalǵan adamǵa psıhoterapııalyq em jáne psıhıatr dárigerdiń turaqty baqylaýy taǵaıyndalady.