Әлеумет және қоғам
Елімізде тағы бір құжат тек онлайн берілуі мүмкін
Фото: ашық дереккөз
Денсаулық сақтау министрлігі еңбекке уақытша жарамсыздыққа сараптама жүргізу, сондай-ақ еңбекке уақытша жарамсыздық туралы парақ немесе анықтама беру қағидаларына өзгерістер енгізілетін бұйрық дайындады, деп жазды qandastar.kz
Құжат қағаз құжаттарды пайдалануды оңтайландыру және азайту мақсатында аурухана парақтарын және еңбекке уақытша жарамсыздық туралы анықтаманы электрондық форматқа көшіруді көздейді.
Қазіргі таңда «Еңбекке уақытша жарамсыздық парағын беру» мемлекеттік қызметі электронды түрде де, қағаз түрінде де көрсетіледі.
Министрліктің дерегінше, бұл өзгерістердің негізгі мақсаты азаматтардың медициналық мекемелермен және билік органдарымен өзара іс-қимылын жеңілдету, сондай-ақ медициналық қызметтердің ыңғайлылығы мен қолжетімділігін арттыру болып табылады.
