Elimizde jańa mamandyqtar paıda bolady

Foto:istockphoto

Premer-mınıstrdiń orynbasary Ermek Kósherbaev elde erekshe qajettilikteri bar balalarmen jumys isteıtin mamandardy daıarlaý júrgizilip jatqanyn habarlady, — dep habarlaıdy qandastar.kz  Tengrinews.kz-ke silteme jasap.

Onyń aıtýynsha, búginde defektolog, logoped, neıropsıholog, áleýmettik pedagog jáne basqa da mamandarǵa suranys joǵary. Arnaıy bilim berý salasyndaǵy mamandardy elimizdegi 17 joǵary oqý orny daıyndaıdy.

«2024–2025 oqý jylyna memlekettik tapsyrys boıynsha: bakalavrıatqa – 656 grant, magıstratýraǵa – 150, doktorantýraǵa – 13 grant bólindi», – delingen Kósherbaevtyń depýtattyq saýalǵa jaýabynda.

Bilim berý baǵdarlamalarynyń tizilimine 62 baǵdarlama engizilgen:

«Arnaıy pedagogıka»,

«Arnaıy pedagogıka: aýtızm spektri buzylǵan balalardy súıemeldeý (IP)»,

«Arnaıy pedagogıka: tıflopedagogıka»,

«Arnaıy pedagogıka: ınklıýzıvti bilim berý»,

«Erte qoldaý pedagogıkasy (IP)»,

«Ergopedagogıka (IP)» jáne t.b.

Sondaı-aq, arnaıy bilim berýdiń kásibı standartyna jańa mamandyqtar qosylǵany habarlandy:

erte qoldaý kórsetý pedagogi,

ergopedagog,

qarym-qatynas jáne
áleýmettik ózara is-áreket buzylystary nemese qıyndyqtary bar balalarmen
jumys jónindegi pedagog,

psıhıkalyq damýy tejelgen jáne oqýda qıyndyqtary bar balalarmen jumys jónindegi pedagog.