Elordada Sot saraptamalary ortalyǵynyń dırektory ustaldy

Foto:  Olympic.kz

Astanada Sot saraptamalary ortalyǵynyń dırektory ustaldy, dep jazdy qandastar.kz

Sot saraptamalary ortalyǵynyń laýazymdy tulǵalary men merdiger uıym basshysyna qatysty 2 mlrd teńgeden astam bıýdjet qarajatyn jymqyrý faktisi boıynsha sotqa deıingi tergeý isi tirkeldi. Bul týraly Qarjy monıtorıngi agenttigi habarlady. 2023-2025 jyldarǵa arnalǵan nashaqorlyq pen esirtki bıznesine qarsy kúres jónindegi keshendi jospar aıasynda bıýdjetten 10,3 mlrd teńge bólingen. Alaıda, 2023-2024 jyldary Sot saraptamalary ortalyǵynyń laýazymdy tulǵalary múddeli toppen aldyn-ala kelisip, bıýdjet ótinimin qalyptastyrý kezinde jalǵan kommerııalyq usynystar usyný arqyly jabdyqtyń qunyn 3 ese arttyrǵan. «Múlikti tárkileý maqsatynda jalpy quny 148 mln teńgeden asatyn Almaty qalasyndaǵy 2 jer telimi, Astana qalasyndaǵy páter jáne BMW H6 men RAV 4 avtokólikterine tyıym salyndy. Sonymen qatar, bank esepshottaryndaǵy 1,6 mıllıard teńge, 367 myń dollar jáne 366 myń eýro somasyndaǵy kompanııanyń aqsha qarajaty buǵattaldy», — dep habarlady QMA. Saraptama ortalyǵynyń dırektory, memlekettik satyp alý departamentiniń basshysy jáne JShS basshysy 2 aıǵa qamaldy.