جاڭالىقتار
ەندى ءدىني پوستتارعا لايك باسقاندارعا ايىپپۇل سالىنباق
سۋرەت:اشىق دەرەككوزدەن الىندى
الەۋمەتتىك جەلىدە ەكسترەميستىك يدەيالاردى ناسيحاتتايتىندار كوبەيگەن. وزبەكستاندا ءدىني ەكسترەميزممەن كۇرەستىڭ جاڭا ءتاسىلى رەتىندە ەندى جەلىدەگى ءدىني الاۋىزدىق تۋدىراتىن پوستتارعا لايك باسقاندار نە ولاردى رەپوست جاساعاندار قوماقتى ايىپپۇل تولەۋى مۇمكىن. بۇل تۋرالى وزبەكستاننىڭ ءدىن ىستەرى جونىندەگى كوميتەتى مالىمدەيدى, دەپ جازادى Jambylinfo.kz. informburo.kz-كە سىلتەمە جاساپ.
وزبەكستاننىڭ ءدىن ىستەر جونىندەگى كوميتەتى ەل تۇرعىندارىن ينتەرنەت جەلىسىندەگى ءدىني پوستتارعا لايك باسپاۋعا شاقىرعان. كوميتەت ەسكەرتۋىنە سايكەس, تەكسەرىلمەگەن ءدىني ماتەريالدارعا لايك باسقاندارعا ايىپپۇل سالىناتىن بولادى.
«ءدىني ماتەريالداردى تاراتۋ تەك قانا مەملەكەتتىك ءدىني ساراپتامادان وتكەننەن كەيىن عانا رۇقسات ەتىلەدى», – دەلىنگەن حابارلامادا.
