Energetıka mınıstri benzın týraly: Reseıdegideı jaǵdaı bizde qaıtalanbaıdy dep oılaımyn

Foto: kollaj

Búgin, 2025 jyly 8 qyrkúıekte QR Parlamenti qos palatasynyń birlesken otyrysy aldynda ózin qaýmalaǵan jýrnalıster suraqtaryna energetıka mınıstri Erlan Aqkenjenov jaýap berdi. Ol Qazaqstandaǵy benzın baǵasyna qatysty da pikir bildirdi, dep habarlaıdy qandastar.kz

BAQ ókilderi dollar baǵamynyń ósip jatqanyna mınıstr nazaryn aýdartty.

«Bul arada dollarǵa baılanatyndaı jaǵdaı joq bolar. Ishki suranystar men usynystar bar, Reseı Federaııasyndaǵy jaǵdaıǵa baılanysty adamdardyń qobaljýy bar, qalaı degenmen de 7 myń shaqyrymǵa jýyq shekarany aınalyp ótýimiz múmkin emes qoı. Sondyqtan, Reseı óńirlerindegi benzın tapshylyǵy máselesi bizdiń azamattarymyzda da belgili bir deńgeıde alańdaýshylyq týǵyzýda», — dedi mınıstr.

Dalanews.kz jazǵandaı, búgingi tańda elimizde AI-95-ke qatysty jaǵdaı turaqty.

«О́tken aptada bizde 21 kúnniń, al qazir 26 kúnniń qory bar. Qor kólemi artyp, zaýyttar turaqty jumys istep tur. AI-92 boıynsha da jaǵdaı osyndaı. Meniń oıymsha, Reseı Federaııasyndaǵydaı jaǵdaı bizde qaıtalanbaıdy», — dep sendiredi Aqkenjenov.

Ol janar-jaǵarmaıdy elden tasyp áketýge salynǵan tyıym únemi uzartylyp otyratynyn da naqtylady.

Aıta ketsek, ótken aptada, ıaǵnı jańa oqý jyly aldynda AI-92 markaly benzın baǵasy elimizdegi megapolısterdiń janar-jaǵarmaı quıý beketterinde 6 teńgege deıin qymbattaǵany belgili.