EO Google-ǵa 2,95 mlrd eýro aıyppul saldy

Eýropalyq komıssııa Google kompanııasyna 2,95 mıllıard eýro kóleminde aıyppul saldy, dep habarlaıdy Qandastar.kz Euronews-ke silteme jasap.

Aıyppulǵa «AdX» jarnama almasý quraly men baspagerlerge arnalǵan jarnama serveri jáne jarnama satyp alý quraldaryn paıdalana otyryp, naryqtaǵy ústemdigin teris qoldanýy sebep bolǵan.

Endi Google múddeler qaqtyǵysyn joıýǵa qatysty naqty sharalar usynýy tıis. Eger bul oryndalmasa, biz esh oılanbastan qatań shara qoldanamyz. ıfrlyq naryqtar adamdarǵa qyzmet etý úshin bar jáne olar senim men ádildikke negizdelýi kerek, – delingen EO-nyń básekelestik máseleleri jónindegi komıssary Teresa Rıberanyń málimdemesinde.

Google-dyń qolynda básekelestikke qarsy dep tanylǵan tájirıbeni toqtatý úshin 60 kún ýaqyt bar.

Eýrokomıssııa Google-ǵa qatysty onlaın-jarnama tehnologııalary salasyndaǵy resmı tergeýdi 2021 jyldyń maýsymynda bastaǵan bolatyn.

Kompanııa vıe-prezıdenti Lı-Enn Malholland aıyppuldy «negizsiz» dep atap, talap etilip otyrǵan ózgerister «myńdaǵan eýropalyq kásiporyndarǵa zııan keltirip, olardyń tabys tabýyn qıyndatatynyn» aıtty.

Juma kúni Google bul sheshimge shaǵym túsiretinin málimdedi.

Sheshim AQSh ákimshiligimen aradaǵy shıelenistiń kúsheıýi aıasynda qabyldanǵan. О́ıtkeni AQSh prezıdenti Donald Tramp jýyrda eýropalyq bılik amerıkandyq iri tehnologııalyq kompanııalarǵa qysym kórsetýdi jalǵastyrsa, EO-ǵa qarsy jańa tarıfter engizetinin eskertken edi.