Erbaıan Muhtar Túrkııada tolyqqandy reabılıtaııadan ótedi

Foto: ashyq derekkóz

Belsendi ári zańger Inga Imanbaı Erbaıan Muhtardyń ekinshi kezeńdegi emi týraly jaqsy jańalyǵyn bólisti, dep habarlaıdy qandastar.kz

Onyń aıtýynsha, búgin tańǵy beste Erbaıan Ystanbulǵa tolyqqandy reabılıtaııadan ótý úshin attanǵan. Onymen ata-anasy birge ketken.

«Bul sapar Erbaıan úshin sheshýshi kezeń. Sol sebepti barlyǵymyz birge balamyzǵa aq jol, sátti sapar tileıik», – dedi emdelýshiniń qorǵaýshysy.

Birinshi kezeńdegi operaııa men emdi halyqtyń qoldaýymen ótkerse, bul joly memleketten úlken kómek kórsetildi. Inga Imanbaıdyń aıtýynsha, portal arqyly úsh aıǵa sozylatyn qymbat ári mańyzdy reabılıtaııalyq em tolyq qarjylandyrylǵan. Al ushýdy Ishki ister jáne Qorǵanys mınıstrlikteri birlesip uıymdastyrǵan.

Osyǵan baılanysty Erbaıannyń ata-anasy Densaýlyq saqtaý mınıstri Aqmaral Álnazarovaǵa jáne general Qaırat Úmbetovke alǵys aıtty.

«Halyqtyń nazaryn aýdartý, memlekettik organdardy iske jumyldyrý, osyndaı mańyzdy emdi uıymdastyrý – bir kúnniń sharýasy emes. Bul uzaq kelissózder men tabandy eńbektiń jemisi. Aıqaısyz, biraq júıeli jasalǵan jumys», – dedi Inga Imanbaı.

Ol sonymen birge aldaǵy úsh aı Erbaıan úshin sheshýshi bolatynyn atap ótti: «Bul – bizdiń armanymyzǵa, ıaǵnı Erbaıannyń óz aıaǵymen júrip, sóılep ketýine jaqyndatatyn úlken qadam».

Reabılıtaııany odan ári jalǵastyrýǵa da halyq jınaǵan qarajattyń alǵashqy emnen qalǵan bóligi jumsalmaq.

Inga Imanbaıdyń aıtýynsha, Erbaıannyń tolyq saýyǵýyna qansha ýaqyt qajet ekenin eshkim dóp basyp aıta almaıdy. Degenmen ol halyqtyń kómegimen, ata-anasynyń jigerimen bul kúnge de jetetinine senim bildirdi.