Жаңалықтар
Ерлан Қарин мемлекеттік наградаға қатысты өзгерісті атады
Фото: ашық дереккөз
Елімізде 9 жаңа құрметті атақ пайда болды Президент тиісті заңға қол қойды. Мемлекеттік наградалар жүйесіндегі бұрыннан бар 6 құрметті атақтың қатары артты. Енді ғалымдар мен өнертапқыштарға, инженерлерге, сәулетшілерге және құрылысшыларға, кеншілер мен шахтерлерге, геологтарға, өнеркәсіп, көлік, ауыл және су шаруашылығы саласының қызметкерлеріне де марапаттар берілетін болады. Бұл туралы Ерлан Қарин хабарлады, деп жазды qandastar.kz
«Қажырлы еңбектің мемлекеттік деңгейде бағалануы барша кәсіп иесіне ерекше шабыт береді және еңбек адамының беделін одан әрі көтеруге септігін тигізеді. Бұл заңға Мемлекет басшысы «Жұмысшы мамандықтар жылы» деп жариялаған жаңа 2025 жылдың қарсаңында қол қойылуының символдық мәні бар», – деп жазды Мемлекеттік кеңесші.
