Ernar Jıembaıdyń áıeli kúıeýiniń isine qatysty málimdeme jasady

Ulysmedia.kz kollajy

Shymkent qalasy ákiminiń orynbasary Rýslan Berdenovke oq atqany úshin Ernar Jıembaıdyń áıeli bul qylmystyq iske qatysy bar-joǵy týraly suraqqa jaýap berýden bas tartty, dep habarlady qandastar.kz kursiv.media-ǵa silteme jasap.

Instagram áleýmettik jelisinde Lýıza Aldanova qazir depressııada júrgenin, áleýmettik jelidegi paraqshasyn jabý nemese ony jeke (prıvatnyı) akkaýntqa aınaldyrý týraly oılap júrgenin jazdy. Sondaı-aq ol oqyrmandardyń biri qoıǵan «Bári sizden shyndyqty jáne kúıeýińizdiń sózin rastaǵanyńyzdy estigisi keledi» degen pikirge jaýap berdi.

«Eshkimge eshqandaı jaýap bermeımin, bul jaǵdaıǵa qatysty pikir bildirmeımin», – dep jazdy ol.

Aıta keteıik, 21 sáýirde Shymkent qalasy ákimdigi ǵımaratynyń janynda atys bolyp, qala ákiminiń orynbasary Rýslan Berdenov jaraqat alǵan. Sol kúni polıııa Ernar Jıembaıdy qamaýǵa aldy.