«Esimi erekshe»: Búrkit pen Aısha kenje qyzyn qyrqynan shyǵardy

Foto: áleýmettik jeliden

Qazaqstandyq juldyzdy jup Búrkit pen Aıshanyń shańyraǵynda qýanyshty oqıǵa – olar kishkentaı qyzy Latıfany qyrqynan shyǵardy. О́ner ıesi áleýmettik jelide vıdeo jarııalady, dep habarlaıdy Qandastar.kz aqparat portaly KAZ.NUR.KZ-ke silteme jasap.

Sábıdiń dúnıege kelgenine 40 kún tolýyna oraı jaıylǵan dastarqanǵa otbasynyń et jaqyndary jınalǵan. Olar sábıge tilek aıtyp, qyryq qasyq sýyn quıdy.

«Kishkentaı hanshaıymym! Eń bastysy – densaýlyǵyń myqty bolsyn. Alla álemdegi eń baqytty adamdardyń qataryna qossyn seni, qulynshaǵym! Tilden, kózden saqtaı kór, Alla! Sen bizdiń kishkentaı hanshaıymymyzsyń», — dep jazdy ol vıdeo sıpattamasyna.

Bul tilekke jeli qoldanýshylary da qosyldy.

«Qurmetti Aıbek pen Aısha! Sizderdi merekemen shyn júrekten quttyqtaımyn! Qyzdaryńyz Latıfa baqytty da deni saý bolyp óssin, armandary ońaı ári tez oryndalsyn! Sizderge tek qýanysh pen maqtanysh syılaı bersin», » Bolashaǵy tek jarqyn, sátti, nesibesi kóp bolsyn», » Kórkine saı aqyldy qyz bolsyn ! Eń bastysy, baqytty bolsyn», — dep pikir qaldyrǵan olar.