Жаңалықтар
Fly Arystan қызметкерлері мен жолаушылар арасында жанжал шықты
Фото: dknews.kz
Желіде тараған ақпаратқа сәйкес, Fly Arystan Шымкентке ұшатын рейсті кейінге қалдырып, жолаушыларды 20 минуттай желдеткіші жоқ автобустың ішінде ұстаған, – деп жазады qandastar.kz
Салдарынан бірнеше жолаушы шыдай алмай, сыртқа шығып кеткен. Ал әуе компаниясының өкілдері оларды рейстен шығарамыз деп қорқытқан. Fly Arystan қызметкерлері өзін дөрекі ұстап, жанжал басталған.
Ал FlyArystan әуе компаниясының мәліметінше, KS 7107 Алматы-Шымкент рейсі өндірістік қажеттілікке байланысты кешіккен. Оның кешігетіні жолаушылар автобусқа отырған кезде белгілі болыпты. Қадағалаушы мен авиациялық қауіпсіздік қызметкерлері жолаушыларға мән-жайды түсіндірген.
Одан кейін жолаушылар дөрекілік танытып, әуе компаниясының қызметкерлеріне, наразылықтарын білдірді дейді. Дегенмен, төбелес немесе қоқан-лоққылар тіркелмеген.
