Астанадан Костанайға бағыт алған FlyArystan әуе компаниясының рейсі қатты қар жаууына байланысты қонуға мүмкіндік болмай, қайтадан елордаға қайтты, деп хабарлайды qandastar.kz.
Әуе компаниясы мәліметінше, Қостанай әуежайы уақытша жабылып, ұшу-қону жолағын тазалау жұмыстары жүргізілуде.
«Жолаушыларға сусын мен ыстық тамақ берілді. Ал кері бағыттағы рейстің жолаушыларына қалаған жағдайда қонақүй ұсынылады», – деп хабарлады FlyArystan өкілдері.
Компанияның түсіндіруінше, рейстердің бірінің кешігуі айналмалы ұшу кестесіне әсер етіп, өзге бағыттарда да уақытша өзгерістерге себеп болған.
