Халықаралық футбол қауымдастықтары федерациясы (ФИФА) АҚШ, Канада және Мексикада өтетін 2026 жылғы әлем чемпионатының жүлде қорын айтарлықтай арттырады, деп жазады qandastar.kz
Әлем чемпионатының жалпы жүлде қоры 655 миллион АҚШ долларын құрайды. Топтық кезеңнен өте алмаған құрамалардың өзі 9 миллион доллардан, ал финалға шыққан командалар 33 миллион долларға дейін кепілді төлем алады.
Турнир жеңімпаздары рекордтық сыйақыға қол жеткізбек – 50 миллион АҚШ доллары.
2026 жылғы турнирде италиялық маман Фабио Каннавароның жетекшілігімен Өзбекстан құрамасы да өнер көрсетеді. Бұл Орталық Азия футболы үшін тарихи оқиға.
Айта кетсек, 2022 жылы Катарда өткен Әлем чемпионатында жеңіске жеткен Аргентина құрамасы 42 миллион доллар алған еді. Ал 2018 жылы Ресейде өткен мундиальдағы жеңісі үшін Франция ұлттық құрамасы 38 миллион доллар табыс тапқан.
