«Geıler kóbeıip bara ma?»: Blogerlerdiń ersi qylyǵy halyqtyń ashýyna tıdi

Áleýmettik jelide birneshe jigittiń bir-birimen qushaqtasyp, súıisýge umtylǵan vıdeosy qyzý talqyǵa tústi, dep habarlaıdy Qandastar.kz Skifnews.kz aqparat portalyna silteme jasap. 

TikTok-ta taraǵan bul rolıkke jeli qoldanýshylary narazy bolyp, «jastardy buzatyn áreket» dep aıyptady. Instagramda tanymal bloger Rústem Baıazıev te beınejazbany jarııalap, «bir jynystylardy jarnamalap júr me, álde geı me?» dep ashyq suraq qoıdy.

Onyń aıtýynsha, mundaı qylyqtar toıǵa shaqyrylatyn keıbir ónerpazdardyń deńgeıin aıqyn kórsetip otyr. Jeli qoldanýshylary pikirlerinde ashýǵa býlyǵyp, «armııaǵa jiberip, el qorǵasyn», «qylyqtary áıelden de ótken» degen sekildi syn aıtty. Basqalary «jastar buǵan eliktep júr» dep alańdaýshylyq bildirdi.

Keıbireýler mundaı beınerolıkterdiń qoǵamda ashyq jarııalanýy ulttyq qundylyqtarǵa qaıshy ekenin aıtyp, resmı organdardan shara qoldanýdy talap etýde.