Germanııada jumbaq jaǵdaıda qaza tapqan eks-sýdıanyń máıitin Qazaqstanǵa ákelýge ruqsat berildi

Foto: Qanat Saılybaevtyń jeke muraǵatynan

Germanııada belgisiz jaǵdaıda qaıtys bolǵan Aıgúl Saılybaevanyń máıitin Qazaqstanǵa alyp ketýge ruqsat berildi. Onymen qazir marqumnyń anasy men inisi aınalysyp jatyr, — dep habarlaıdy Aikyn.kz KTK telearnasyna silteme jasap.

Qanat Saılybaevtyń aıtýynsha, súıegin ákelse, týystary juma nemese senbide Aıgúldiń janazasyn ótkizip, jerlemek.

Eske salaıyq, buǵan deıin Astanadaǵy Saryarqa aýdandyq sotynda sýdıa bolyp qyzmet etken 40 jastaǵy qazaqstandyq áıel 4 maýsym kúni Benshaım qalasynda joǵalyp ketip, máıiti 12 kúnnen keıin ǵana qala shetindegi kól jaǵasynan tabylǵan.

Nemis tergeýshileri marqumnyń beti, moıny men qolynda pyshaq jaraqaty bar ekenin aıtty. Bul is boıynsha áli kúnge deıin kúdikti joq. Aıgúlmen bir ýaqytta onyń enesi de joǵalyp ketken. Ol áli tabylmady.