Иранның Сыртқы істер министрі Аббас Аракчи Киодо агенттігіне берген сұхбатында Тегеран АҚШ пен Израильдің атысты тоқтату ұсынысын қабылдамайтынын айтты, деп хабарлайды Qandastar.kz РИА Новости-ге сілтеме жасап.
Аракчиның сөзінше, Иран уақытша бітімге емес, қақтығыстың толық және тұрақты шешілуіне ұмтылады. Сонымен қатар, ол Жапониямен келіссөз жүргізгеннен кейін Ормуз бұғазы арқылы жапон кемелерінің өтуіне рұқсат беруге дайын екенін жеткізді. Бұл мәселе екі ел арасында талқылануда, ал Жапонияның Таяу Шығыстан импорттайтын шикі мұнының 90%-ы осы аймаққа тиесілі.
Сондай-ақ, Аракчи Иранның саяси жүйесі жеке тұлғаларға тәуелді емес екенін атап өтті: жоғары лауазымды тұлғалар қаза болса да, жүйе өз жұмысын жалғастыра береді.
АҚШ пен Израильдің Иранға қарсы операциясы 28 ақпанда басталып, қақтығыс үшінші аптаға созылып отыр. Тель-Авив Тегеранның ядролық қаруға қол жеткізуіне жол бермеуді мақсат етіп, Вашингтон елдің әскери әлеуетін әлсіретіп, билікті ауыстыруға шақырған. Иран өз кезегінде өзін қорғауға дайын екенін мәлімдеп, келіссөздерді қайта бастауға әзір еместігін білдірді.
