Иран мемлекеттік телеарнасы хабарлағандай, «Шынайы уәде-4» операциясының 48-ші кезеңінде Иран Kheibar Shekan класты қатты отынды және Qadr класты сұйық отынды баллистикалық зымырандарды пайдаланып, Израильдің солтүстігі мен Таяу Шығыстағы бірнеше АҚШ базаларына сәтті соққы берген. Әскерилер шабуылға ұшыраған нақты әскери нысандарды атаған жоқ.
Естеріңізге сала кетейік, 28 ақпанда Израиль Тегеранға қарсы «алдын алу шабуылын» бастаған еді. Кейін АҚШ президенті Дональд Трамп Иранға қарсы ауқымды әскери операцияның басталғанын жариялады.
Ислам революциясы қамқоршылар корпусы Израильдегі нысандарға және аймақтағы АҚШ базаларына шабуыл жасап, ауқымды кек алу операциясын жариялады. Соның ішінде Бахрейн, Иордания, Катар, Кувейт, БАӘ және Сауд Арабиясындағы АҚШ әскери нысандары нысанаға алынған.
