Италияда мұражайға вандализм жасаған қазақстандық турист ұсталды

Фото: Parco Archeologico di Pompei — Ministero della Cultura

Помпеи археологиялық паркіндегі Цеев үйінің ежелгі қабырғасына «ALI» сөзін жазған қазақстандық ұсталды. Ер адам келген залалды өтейді.

Бұл жайында Euronews хабарлады, деп жазады Qandastar.kz

Сенбі күні таңертең қауіпсіздік қызметкерлерінің Помпеи археологиялық паркінде орналасқан Цеев үйіндегі ашық сылаққа ALI әріптерін ойып жазған Қазақстаннан келген туристі ұстағанын Euronews-ке мұражайдың пиар-кеңсесі хабарлаған.

Турист сәулет ескерткішіне келген залалдың орнын толтыруы керек, ал оның нақты сомасы техникалық сараптама жүргізілгеннен кейін белгілі болады.

1913-1914 жылдары қазылған Цеев үйі – соңғы саманит кезеңіндегі (б.з.д. II ғасыр) ежелгі тұрғын үйдің сирек кездесетін мысалдарының бірі.

Үйді Магистрат Луций Цей Секунд иеленген деп санайды, бұған үйдің сыртқы қасбетінде жазылған жазу дәлел.

Ақ сылақпен және текше ұшарбастары бар биік бағаналы үйдің қасбеті сол кезеңдегі беделді адамның үйі болуы керек дегенді білдіреді.