Izraıl Lıvanǵa da shabýyl jasady

Izraıl Qorǵanys armııasy (AHAL) Iranǵa baǵyttalǵan shabýyldardyń jańa tolqyny aıasynda Lıvan aýmaǵyna da soqqy bergenin habarlady. Bul týraly málimet vedomstvonyń resmı Telegram-arnasynda jarııalandy, dep habarlaıdy BAQ.KZ.

Baspasóz qyzmetiniń málimdeýinshe, shabýyl Lıvannyń ońtústigindegi Hoýl qalasy mańynda júzege asyrylǵan. Olar «Hezbolla» uıymynyń múshesin nysanaǵa alǵan. AHAL derekterine sáıkes, operaııa sátti aıaqtalǵan. Degenmen, uıym ókiliniń aty-jóni, laýazymy men operaııanyń basqa da egjeı-tegjeıleri ázirge jarııa etilgen joq.

Buǵan deıin Izraıldiń Iran aýmaǵyna jasaǵan soqqylary saldarynan kem degende 1 800 adam zardap shekkeni habarlanǵan. Olardyń kópshiligi – beıbit turǵyndar. Sonymen qatar, 16 maýsym kúni Izraıl kúshteri Irannyń memlekettik teleradıokorporaııasynyń shtab-páterine soqqy bergen. Bul shabýyl tikeleı efır kezinde júzege asqan.

Atalǵan oqıǵalarǵa baılanysty Reseıdiń Syrtqy ister mınıstrligi málimdeme jasap, Izraıldiń áreketin aıyptady. Mınıstrlik «Izraıl ózin jazasyz sezinip otyr» dep atap ótti.