Air Astana FlyArystan әуекомпаниясы президент лауазымына Йохан Эйдхагеннің тағайындалғанын хабарлады. Жаңа басшы қызметіне 2026 жылғы 1 наурыздан бастап кіріседі.
Йохан Эйдхаген FlyArystan-ға Wizz Air компаниясынан ауысып отыр. Wizz Air-де ол бірнеше жоғары лауазымдарды атқарған, соңғы қызметі – Абу-Даби қаласындағы басқарушы директор. Сонымен қатар, ол кадрлар және ESG жөніндегі атқарушы директор, маркетинг бойынша атқарушы директор ретінде де жұмыс істеген.
Йохан Эйдхаген Wizz Air-ге дейін шамамен 15 жыл бойы Nokia компаниясында әртүрлі елдерде басшылық қызметтерде еңбек еткен.
Жаңа тағайындау бойынша Йохан Эйдхаген Ричард Леджерді алмастырды. Ал Ричард Леджер Air Astana компаниялар тобының серіктестіктер мен альянстар жөніндегі вице-президенті лауазымына тағайындалады.
