Kann kınofestıvali qazaqstandyq Saltanat Diamond Gallery áshekeılerine tánti boldy

Lazýr jaǵalaýynda ótip jatqan 78-shi Kann kınofestıvalinde juldyzdar men qonaqtardyń názik obrazdary arasynda Qazaqstanda jasalǵan áshekeıler de kózge túsýde. Bul aksessýarlar festıvaldiń keıbir qonaqtarynyń obrazdaryna arqaý boldy. Olar tanymal aktrısalar men ınflıýenserlerdiń kıim úlgilerine erekshe sán berip, odan ári ádemi etti, dep habarlaıdy  Qandastar.kz.

Brıtandyq aktrısa Hanna Ýeddıngem, kórermenge «Ted Lasso» men «Muragerler» serıaldary arqyly tanymal, «Mıssııa: múmkin emes. Sońǵy esep aıyrysý» fılmine arnalǵan premerada qazaqstandyq sheberler jasaǵan Saltanat Diamond Gallery brendiniń áshekeı jıyntyǵymen boı kórsetti.