Qaraǵandyda arystannyń tólderin urlap, 6 mln teńgege satqysy kelgen: Dırektor orynbasary men haıýanattar baǵynyń eki qyzmetkeri sottaldy

Foto: pixabay.com

Qaraǵandy polıııa departamenti qaladaǵy haıýanattar baǵynyń úsh qyzmetkerine qatysty sot tyńdaýy bastalǵanyn málimdedi. Aıyptalýshylar janýardy 6 mıllıon teńgege satpaq bolǵan. Bul týraly Stan.kz aqparat agenttigi «Patrıot» arnasyna silteme jasap habarlaıdy.

Polıııa departamentiniń málimetine sensek, olar byltyr maýsym aıynda janýarlardy haıýanattar baǵynyń aýmaǵynan shyǵaryp, alty mıllıon teńgege satýǵa tyrysqan. Týǵannan bastap bir aılyq kishkentaı arystandar karton qorapta bolǵan. Qazybek bı aýdandyq sotynyń sottalýshylar oryndyǵynda Qaraǵandy memlekettik haıýanattar baǵy dırektorynyń orynbasary jáne eki qyzmetkeri otyr.

Sottalýshylarǵa Qylmystyq kodekstiń eki baby sáıkes, ıaǵnı 339-bap «Sırek kezdesetin jáne quryp ketý qaýpi tóngen janýarlardy zańsyz ustaý» jáne 188-bap «Urlyq, ıaǵnı bótenniń múlkin jasyryn urlaý» boıynsha aıyp taǵyldy.

Sot otyrysynyń birinshi kúni sottalýshylar ártúrli ustanymdardy aıtyp, bireýi kináni ishinara moıyndady. Al ekinshisi kinásin múlde moıyndamady.
Barlyq úsh sottalýshyǵa qatysty qamaýǵa alýmen baılanysty emes bultartpaý sharasy taǵaıyndaldy.

Al haıýanattar baǵynyń dırektorynyń isi boıynsha «kýáger» mártebesinde ótedi. Buǵan deıin haıýanattar baǵynyń jumysyna jetekshilik etetin Qaraǵandy mádenıet jáne tilderdi damytý bóliminiń basshysy haıýanattar baǵynyń dırektory bul mámile týraly bilmegenin jáne bul oqıǵaǵa eshqandaı qatysy joq ekenin aıtqan kórinedi.

Obektıvtilik úshin sýdıa Arǵyn Qutyshev aıyptalýshylardyń advokatynyń ótinishi boıynsha haıýannyń naqty qunyn anyqtaý úshin sarapshy Gúlnar Muqanovany shaqyrdy. О́tinish qanaǵattandyrylyp, sarapshy Muqanova arystan tólderiniń qunyn saraptap, saraptama qorytyndysyn daıyndaýǵa kiristi.

Eske salaıyq, buǵan deıin Almaty zoobaǵy eki aı buryn ákelingen aıýdyń ólgenin jasyryp kelgen jazǵan edik. Jańalyqty Praga zoobaǵynyń dırektory Mıroslav Bobek óziniń Facebook paraqshasynda habarlady. Ol aq aıý 4 mamyrda ólgenin, al Almaty zoobaǵy bul jóninde 22 mamyrda ǵana habar bergenin jazǵan.