Қарағандыда есірткі тасымалдаған әскери командир ұсталды

Фото: ашық дереккөз

Автокөлікті тексеру барысында аса ірі мөлшердегі есірткі заттары табылған, деп хабарлайды qandastar.kz

«Автокөлікті тексерген кезде жүксалғышынан ақ түсті ұнтақ салынған 18 пакет шықты. Пакеттердің жалпы салмағы 12 келіні құрады. Оқиға орнына шақырылған жедел-тергеу тобы тыйым салынған зат екенін анықтады», – деді ведомство.

Бұқаралық ақпарат құралдарында ұсталған күдіктінің әскери гарнизонның командирі екені айтылуда. Полиция департаменті күдіктінің кім екенін нақтылаған жоқ. Оның қазір уақытша ұстау изоляторына қамалғаны ғана белгілі.