Футболдан Қазақстан құрамасының бас бапкері Джон ван ’т Шкип УЕФА Ұлттар лигасының алғашқы матчтарына шақырылған ойыншылардың кеңейтілген тізімін жариялады, деп хабарлайды Qandastar.kz сайты Қазақстан футбол федерациясына сілтеме жасап.
Қазақстан футбол федерациясының мәліметінше, кеңейтілген тізімге 41 футболшы енген. Олардың қатарында ел чемпионатында өнер көрсететін футболшылармен бірге шетелдік клубтардың өкілдері де бар.
Қақпашылар қатарында Темірлан Анарбеков («Қайрат»), Бекхан Шайзада («Ордабасы»), Александр Заруцкий («Ақтөбе»), Мұхаммеджан Сейсен («Астана») және Стас Покатилов («Сабах», Әзербайжан) бар.
Қорғаушылар тізіміне Нұралы Әліп («Зенит», Ресей), Әлібек Қасым, Ян Вороговский («Астана»), Сергей Малый, Сұлтанбек Астанов («Ордабасы»), Темірлан Ерланов, Талғат Құсяпов («Ақтөбе»), сондай-ақ «Қайрат», «Жеңіс», «Оқжетпес», «Тобыл», «Қайсар» және «Елімай» клубтарының ойыншылары кірді.
Жартылай қорғаушылар арасында Бауыржан Исламхан, Станислав Басманов, Рамазан Оразов, Алмас Төлібай, Георгий Жуков, Исламбек Қуат, Жасұлан Әмір, Эльхан Астанов, Әбинұр Нұрымбет және Дінмұхаммед Қараман бар.
Ал шабуылшылар қатарында Дастан Сәтпаев («Бёрнли», Англия), Ислам Чесноков («Крылья Советов», Ресей), Исмаил Бекболат, Азамат Тұяқбаев, Акмаль Бақтияров, Артур Шушеначев, Рамазан Кәрімов, Оралхан Өміртаев, Максим Самородов және Ғалымжан Кенжебек бар.
Ұлттық құраманың нақты құрамы кейін белгілі болады.
Қазақстан құрамасы Ұлттар лигасындағы алғашқы кездесуін 26 қыркүйекте Фарер аралдарына қарсы сырт алаңда өткізеді. 29 қыркүйекте қазақстандықтар Словакиямен қонақта ойнайды. 2 қазанда Астана аренасында Молдова құрамасын қабылдайды, ал 6 қазанда Фарер аралдарымен қайта кездеседі.
