Qazaqstan sotynda seksologııalyq saraptama paıda bolady

Foto: gov.kz

QR Ádilet mınıstrliginiń resmı ókili Talǵat Ýálı Qazaqstannyń sot praktıkasyna seksologııalyq saraptama engiziletinin málimdedi, dep habarlaıdy Azattyq Rýhy.

«Halyqaralyq tájirıbe nátıjeleri boıynsha, sondaı-aq adamnyń jeke basyna, onyń ishinde jynystyq sıpatqa qarsy qylmystar sanynyń artýyna baılanysty Ádilet Mınıstrligi «sot-seksologııalyq saraptama» retinde engizý jumystaryn bastady. Qarapaıym tilmen aıtqanda saraptama tekserilýshiniń jynystyq, psıhoseksýaldyq damýda qandaı da bir aýytqýlardyń bar nemese joqtyǵy, aýytqýlar baıqalsa, olar neni bildiretinin, pedofılderdi anyqtaý, tekserilýshige hımııalyq kastraııa qajettigin anyqtaý, osy sııaqty saýaldarǵa jaýap beredi», — dedi Talǵat Ýálı brıfıngte.

Osy jobany iske asyrý maqsatynda Astana qalasynyń Sot saraptamalary ǵylymı-praktıkalyq ortalyǵynyń 3 sot sarapshysy Belarýs Respýblıkasynda oqýdan ótti. Qazirgi ýaqytta «Sot-seksologııalyq saraptama» túri boıynsha ádisteme ázirlenýde.