Jańalyqtar
Qazaqstanda 1 tamyzdan bastap elektr energııasy taǵy qymbattaıdy
Foto: PMG.ua
2025 jyldyń 1 tamyzynan bastap elimizdiń birqatar óńirlerinde elektr energııasynyń shekti tarıfteri ósedi, dep habarlaıdy qandastar.kz Dalanews.kz-ke cilteme jasap.
Energetıka mınıstri mindetin atqarýshynyń 2025 jylǵy 29 shildede qol qoıǵan buıryǵyna sáıkes, elimizde elektr energııasyna belgilengen shekti tarıfterge ózgerister engizildi.
Atalǵan qujat elektr energııasyn satatyn kompanııalardyń kelesi toptary úshin tarıfterdi myna shamada kóterýge múmkindik beredi:
- T.I.Batýrov atyndaǵy Jambyl GRES-i 1kVt/saǵ úshin burynǵydaı 22,58 teńge emes, endi 23,25 teńge suraıtyn bolady.
- Aqtóbe JES – 1kVt/saǵ úshin 18,19 teńge (qazir 17,54 teńge).
- «Jaıyqteploenergo» AQ – 1kVt/saǵ = 13,95 teńge (qazir 13,25 teńge).
- MAEK-Qazatomónerkásip – 1kVt/saǵ = 23,26 teńge (qazir 22,16 teńge).
- «Crystal Management» AQ – 1kVt/saǵ = 16,09 teńge (qazir 15,27 teńge).
- «Aqtóbe rels-arqalyq zaýyty» JShS – 1kVt/saǵ = 23,58 teńge (qazir 21,11 teńge).
- «Z-Energoortalyq» – 1kVt/saǵ = 18,46 teńge (qazir 16,77 teńge).
- «Qyzylorda jylý-energetıka ortalyǵy» – 1kVt/saǵ = 13,13 teńge (qazir 12,10 teńge).
- «Batye Paýer» JShS – 1kVt/saǵ = 17,63 teńge (qazir 15,89 teńge).
- «Karabatan Utility Solutions» JShS – 1kVt/saǵ = 13,06 teńge (qazir 10,67 teńge).
- «OzenMunaiProm» JShS – 1kVt/saǵ = 28,68 teńge (qazir 26,92 teńge).
- «TNK «Qazhrom» AQ – 1kVt/saǵ = 11,65 teńge (qazir 10,67 teńge).
- «SSGPO» AQ – 1kVt/saǵ = 18,94 teńge (qazir 18,82 teńge).
Sondaı-aq 63-shi toptaǵy energııa óndirýshi uıymdar úshin tarıf 1 kVt/saǵ úshin 44,02 teńge bolyp belgilendi.
Buıryq 2025 jyldyń 1 tamyzynan bastap qoldanysqa engiziledi.
Ulttyq ekonomıka mınıstrliginiń málimetinshe, jyl basynan beri elektr energııasy ortasha eseppen 7,2%-ǵa, 2025 jyly 1 shildedegi jaǵdaı boıynsha qosymsha qun salyǵynsyz 1 kVtsaǵ úshin 22,62 teńgege deıin qymbattady. Elektr energııasy 10 óńirde qatty qymbattady. Onyń ishinde Astanada 21%—ǵa ósip, QQS-syz 1 kVtsaǵ úshin 24,94 teńge boldy. Sondaı-aq Aqtóbe jáne Jambyl oblystarynda 20% ósim tirkeldi.
