Qazaqstanda alaıaqtyqtyń jańa túri paıda boldy

Ulttyq bank qazaqstandyqtarǵa onlaın-servıster men mobıldi qosymshalardy qoldanǵanda jeke derekterin qorǵaýǵa shaqyrdy. Banktiń málimetinshe, qaskóıler logın, parol, bank kartasynyń derektemelerin urlaý úshin fıshıng, qaýipti silteme, jalǵan saıttar men QR-kod sııaqty ártúrli ádisterge barady, dep habarlaıdy Qandastar.kz

Qaskóılerdiń negizgi áreketteri

• Derbes derekterdi urlaý úshin adamdardy utys oıyny, konkýrs nemese saýalnamaǵa qatysýǵa shaqyrý;
• Urlanǵan foto, beıne, aýdıo jazbalardy jalǵan akkaýnttar ashý úshin paıdalaný;
• Qazaqstan Ulttyq Banki, quqyq qorǵaý organdary nemese kommýnaldyq qyzmetter qyzmetkeri retinde ózin tanystyrý.

Azamattarǵa usynystar

• Bank kartasynyń derektemesi men qupııasózdi eshkimge bermeý;
• Internette jeke jáne qarjyǵa qatysty aqparatty jarııalamaý;
• Áleýmettik jeli men messendjerde qupııalylyq parametrin tekserý, kúrdeli qupııasózder men qos faktorly aýtentıfıkaııany paıdalaný;
• Kúdikti siltemelerge ótpeý jáne bankten kelgen SMS-kodty úshinshi tulǵaǵa habarlamaý.

Eger derbes derekterińizdiń zańsyz paıdalanylǵanyn anyqtasańyz, Aqparattyq qaýipsizdik komıtetine nemese quqyq qorǵaý organdaryna habarlasý kerek. Konsýltaııa alý úshin Ulttyq Bank 1477 qysqa nómiri arqyly baılanysýǵa bolady.