Қаржы және төлемдер
Қазақстанда артық зейнетақыны алуға тыйым салына ма?
Фото: ашық дереккөз
«БЖЗҚ» АҚ басқарма төрағасы Жанат Құрманов қазақстандықтар үшін артық зейнетақыны алуға тыйым салынуы мүмкін деген қауесетке қатысты пікір білдірді, деп хабарлайды qandastar.kz
2025 жылғы 12 ақпанда Жанат Құрманов Сенатта Мемлекет басшысының тапсырмасы бойынша салымшыларға зейнетақы жинақтарының бір бөлігін тұрғын үй жағдайын жақсартуға және емделуге жұмсауға рұқсат берілгенін еске салды.
«Бұл бағдарламаны жүзеге асыру жалғасады, сондықтан қазіргі уақытта бұл бағдарламаны тоқтату бойынша ешқандай ұсыныстар немесе қадамдар қарастырылып жатқан жоқ», – деді ол.
2021 жылдың ақпан айынан бастап салымшылардың зейнетақы жинақтарының бір бөлігін мерзімінен бұрын алып қою көлемі 4,4 трлн теңгені құрады. Негізгі бөлігі, шамамен 85% тұрғын үй мәселелерін шешуге жұмсалды.
