Qazaqstanda franýz ýnıversıtetiniń fılıaly ashylmaq

Foto: gov.kz

Memleket basshysynyń Qazaqstanda sheteldik joǵary oqý oryndarynyń fılıaldaryn ashý jónindegi tapsyrmasyn iske asyrý aıasynda Ǵylym jáne joǵary bilim mınıstrligi Franııanyń jetekshi ınjenerlik mektebi – Grenoble INP – Phelma, UGA ýnıversıtetimen 2026 jyly Satbayev University bazasynda franýz tehnıkalyq ýnıversıtetiniń fılıalyn ashý týraly kelisimge qol jetkizdi,  dep habarlaıdy qandastar.kz

Kelisimge qol qoıý rásimi Ǵylym jáne joǵary bilim mınıstri Saıasat Nurbektiń jáne Franııanyń Qazaqstandaǵy elshisi Sılvan Gıogeniń qatysýymen ótti. Qujatqa eki ýnıversıtettiń vıe-prezıdentteri – Gıýlgen Alpan (Grenoble INP – Phelma, UGA) jáne Samǵat Ermekbaev (Satbayev University) qol qoıdy.

Grenoble INP – Phelma, UGA – Eýropadaǵy ıadrolyq tehnologııalar salasyndaǵy eń iri ǵylymı-zertteý jáne óndiristik klasterlerdiń biri. Ýnıversıtet ıadrolyq fızıka, elektronıka jáne materıaltaný salalarynda aldyńǵy qatarly bilim beredi. Onyń ınjenerlik baǵdarlamalary THE jáne QS halyqaralyq reıtıng agenttikteri tarapynan joǵary baǵalanǵan.

Satbayev University bazasyndaǵy Grenoble INP – Phelma, UGA fılıalynda ıadrolyq ınjenerııa jáne jańartylatyn energııa salasyna qajetti joǵary bilikti mamandardy daıarlaý maqsatynda 3+1 formatyndaǵy qos dıplomdy bilim berý baǵdarlamalary iske qosylady. Baǵdarlamalar Nuclear Engineering, Renewable Engineering jáne Advanced Studies sııaqty suranysqa ıe mamandyqtardy qamtıdy.

Atalǵan baǵdarlamalar Qazaqstanda alǵashqy atom elektr stansalaryn salý kezeńinde asa ózekti bolyp otyr. Baǵdarlamaǵa qatysatyn stýdentter Franııadaǵy AES-terde tájirıbeden ótý múmkindigine ıe bolady. Bul eldegi 56 ıadrolyq reaktor ulttyq energetıkalyq balanstyń 70%-dan astamyn qamtamasyz etedi. Osylaısha, túlekter otandyq energetıka nysandarynda jumys isteýge daıyn, joǵary bilikti ári tájirıbege beıimdelgen mamandar bolady.