Qazaqstanda mektepke daıyndyqqa kómek qalaı alynady jáne ony basqaǵa jumsaýǵa bola ma – Mınıstrlik jaýaby

Foto: freepik.com

Jyl saıyn jańa oqý jyly bastalar aldynda (1 tamyz ben 30 qyrkúıek aralyǵynda) mektep oqýshylarynyń ata-analaryna «Barshaǵa mindetti bilim berý» qorynyń qarajatynan jáne «Mektepke jol» respýblıkalyq akııasy aıasynda bir rettik qarjylaı kómek kórsetiledi, dep jazdy qandastar.kz

Bul týraly Stan.kz aqparat agenttigi habarlaıdy.

Astana, Almaty jáne Shymkent qalalaryndaǵy kúnkóris deńgeıi qandaı jáne qazaqstandyqtardyń qaı sanaty «Mektepke jol» akııasyna qatysa alatyny aıtylǵan. Kómek ataýly áleýmettik kómek (AÁK) alatyndarǵa,  jan basyna shaqqandaǵy tabysy kúnkóris mınımýmynan tómen otbasylarǵa, tótenshe jaǵdaıǵa tap bolǵandarǵa jáne jetim balalar jáne ata-anasynyń qamqorlyǵynsyz qalǵan balalarǵa beriledi.

Qarjylaı kómek mólsheri zańnamaǵa sáıkes «kúnkóris mınımýmynan tómen bolmaýy tıis» dep kórsetilgen.
2025 jylǵy maýsym aıyndaǵy kúnkóris mınımýmynyń mólsheri:

•    Qazaqstan boıynsha ortasha – 58 655 teńge
•    Astana qalasy – 58 874 teńge
•    Almaty qalasy – 58 202 teńge
•    Shymkent qalasy – 54 569 teńge
•    Eń joǵarysy – Mańǵystaý oblysynda – 63 744 teńge

Alaıda ár óńir jergilikti bıýdjetke baılanysty tólem mólsherin óz betinshe belgileı alady. Mysaly, ótken oqý jylynda memleket orta eseppen 43 400 teńge kóleminde kómek kórsetken.

Aqshalaı kómekti qalaı alýǵa bolady?

Mektep ákimshiligine nemese jergilikti bilim bólimderine ótinish jazý qajet.

Qajetti qujattar:
•    jeke kýálik kóshirmesi;
•    balanyń týý týraly kýáligi;
•    ataýly áleýmettik kómek alatyny týraly anyqtama (nemese otbasynyń tabysyn rastaıtyn qujattar).

Qarajat arnaıy ata-ananyń bank kartasyna aýdarylady. Bul qarajat balany mektepke daıyndaýǵa, ıaǵnı kıim, aıaq kıim, keńse taýarlaryn satyp alýǵa arnalǵan. Biraq bul maqsatty kómek bolǵandyqtan, ony basqa maqsattarǵa (mysaly, azyq-túlikke, nesıeni jabýǵa) jumsaýǵa ruqsat etilmeıdi.

Qosymsha kómek qaıdan alýǵa bolady?

Memlekettik kómekten bólek, ata-analar www.atamekenim.kz portaly arqyly ótinish qaldyra alady. Bul platformada demeýshiler men meenattar kómektesýge aqshalaı nemese zattaı kómektesýge nıet bildiredi (kıim-keshek, rıýkzak, keńse taýarlary).

2024 jyly Almatyda 8 500 balaǵa daıyn rıýkzaktar taratylǵan. Memlekettik kómekke tek áleýmettik osal toptar ǵana úmitker bola alady. Kómek bir rettik jáne mektepke daıyndyqqa ǵana arnalǵan. Kúnkóris mınımýmyna baılanysty tólem ár óńirde ártúrli.

Qosymsha qoldaýǵa demeýshiler men qoǵamdyq uıymdar arqyly júginýge bolady.

Mektepke daıyndyq úshin kómek alý qaıda jáne qalaı júzege asady?

Memlekettik materıaldyq kómekti alý úshin balanyń ata-anasy nemese zańdy ókili tómendegi tásilderdiń birin qoldana alady.

Memlekettik qoldaýǵa ótinish berý joldary:
•    elektrondyq úkimet portaly arqyly – egov.kz;
•    nemese halyqty jumyspen qamtý ortalyǵyna tikeleı baryp.

«Mektepke jol» akııasyna qatysý úshin:
•    Balanyń oqıtyn mektebine nemese bilim berý uıymyna ótinish jazý kerek.
•    Bul ótinishte balanyń áleýmettik jaǵdaıy, qajettiligi kórsetiledi.

Qosymsha kómek qaıdan alýǵa bolady?
•    Ata-analar www.atamekenim.kz portalynda ornalasqan arnaıy «Mektepke jol» platformasy arqyly jeke ótinish qaldyra alady. Bul ótinishterge demeýshiler men meenattar jaýap beredi.

О́tinish berý qadamdary:

•   Saıtqa kirińiz: www.atamekenim.kz
•   «Mektepke jol» bólimin tańdańyz;
•   «О́tinish berý» batyrmasyn basyp, qajetti aqparatty toltyryńyz.

Bul platforma jyl boıy jumys isteıdi – ótinishti kez kelgen ýaqytta qaldyrýǵa bolady. Jiberilgen ótinishter Ulttyq bilim berý derekqorymen tekseriledi (verıfıkaııadan ótedi). Osydan keıin naqty kómek kórsetiledi.

Mektepke beriletin járdemaqyny basqa maqsatqa jumsaýǵa bola ma?

Joq, bolmaıdy. Atalǵan qarjy maqsatty kómek jáne tek balany mektepke daıyndaý úshin bólinedi. Bul arnaıy taǵaıyndalǵan bıýdjet qarjysy.

Qarajat tómendegi zattarǵa jumsalýǵa tıis:
•    mektep formasy;
•    aıaq kıim;
•    keńse taýarlary.

Kómekti alǵannan keıin 10 jumys kúni ishinde bilim berý uıymyna kelesi dálel qujattardy tapsyrý qajet:
•    satyp alynǵan zattarǵa túbirtekter men chek;
•    fotoesep (satyp alynǵan zattarmen birge balanyń sýreti).

Maqsatsyz jumsalǵany anyqtalsa, ata-ana jaýapkershilikke tartylýy múmkin.

Qandaı qujattar qajet jáne AÁK alýshylarǵa jeńildik bar ma?

Ataýly áleýmettik kómek (AÁK) alýshylar úshin mektepke kómek alý tártibi jeńildetilgen. Olarǵa eshqandaı qujat tapsyrýdyń qajeti joq – tek eGov.kz portaly nemese jumyspen qamtý ortalyǵy arqyly AÁK-ke ótinish berý jetkilikti. Bul otbasy avtomatty túrde áleýmettik osal sanatyna kiredi.

Al basqa otbasylar (mysaly, AÁK almaıtyndar) mektepke kómek alý úshin kelesi qadamdardy oryndaýy tıis:

Mektepke ótinish tapsyryp, qujattardy qosa berý:

•    Otbasy tabysy týraly málimetter (jumys ornynan anyqtama, jalaqy, zeınetaqy, járdemaqy jáne t.b.);
Jan basyna shaqqandaǵy tabystyń jergilikti máslıhat belgilegen kúnkóris mınımýmynan tómen ekenin rastaıtyn qujat.

Erekshe sanattaǵy balalar úshin:
•    Jetimder jáne qamqorshylyqtaǵy balalar – qamqorshy nemese patronat týraly qaýly (postanovlenıe);

Tótenshe jaǵdaıdan zardap shekkender – jergilikti komıssııanyń kómekti taǵaıyndaý jónindegi hattamasy (protokol). Eger otbasy osy bes áleýmettik sanattyń eshqaısysyna jatpasa, onda olar kómekke tek demeýshiler men meenattar esebinen – «Mektepke jol» akııasy aıasynda ǵana ıe bola alady.

Mektepke kómek kórsetýden bas tartylýy múmkin be?

Iá, keıbir jaǵdaılarda kómek berilmeıdi:

•    Jalǵan aqparat berý, qujattardy burmalaý;
•    Otbasynyń tabysy kúnkóris mınımýmynan joǵary ekeni anyqtalǵan jaǵdaıda bul materıaldyq jaǵdaıdy zertteý qorytyndysy boıynsha shyǵarylǵan kollegııalyq sheshimmen rastalady.

«Áleýmettik ámııan» arqyly mektep kómegin alýǵa bola ma?

«Áleýmettik ámııan» – bul eGov Mobile qosymshasyna engizilgen, áleýmettik tólemder men jeńildikterdi alý úshin jasalǵan ıfrlyq qyzmet.

•    Bul júıeni AÁK alýshylar paıdalana alady.
•    Alaıda, qazirgi ýaqytta «Áleýmettik ámııanda» tek aqshalaı emes (natýraldy) kómek túrleri ǵana iske qosylǵan.
•    Sol sebepti, mektepke daıyndyqqa arnalǵan qarjylaı kómekti dál osy platformadan alýǵa bolmaıdy.

Eske salaıyq, buǵan deıin Oqý-aǵartý mınıstrliginiń málimetinshe, bıyl birinshi synypqa ótinish qabyldaý 1 sáýirde bastalyp, 2025 jyldyń 31 tamyzyna deıin jalǵasatynyn jazdyq. «Bilim týraly» zańǵa sáıkes balalar 1-synypqa ata-anasynyń ótinishi boıynsha 6 jastan bastap qabyldanady. Osy rette oqý-aǵartý mınıstrligi qujattardy memlekettik egov.kz elektrondy úkimeti, sondaı-aq qaǵaz nusqada tapsyrýǵa bolatynyn eskertken edi. Sol kúni eGov portalynda mektepke qujat tapsyrýshylardyń kóptiginen ýaqytsha aqaý bolyp, júıe tek 15:00-de qalpyna keltirilgen.