Қазақстанда тұрғын үй нарығындағы баға өсімі сақталып отыр. Бұл туралы Qandastar.kz ақпарат порталы LS агенттігіне сілтеме жасап хабарлайды.
2025 жылғы желтоқсан айында ел бойынша жаңа тұрғын үйдің орташа бағасы 1 шаршы метр үшін 571,2 мың теңгеге жетті. Бұл қараша айындағы көрсеткіштен (568,8 мың теңге) жоғары және 2024 жылдың осы кезеңімен салыстырғанда 15,7%-ға қымбат.
Ұлттық статистика бюросының деректеріне сәйкес, жаңа тұрғын үй бағасының ең жоғары жылдық өсімі Қонаев қаласында тіркелді – 22,9% (1 ш.м – 471,1 мың теңге). Сондай-ақ Павлодарда баға 22,9%-ға өсіп, 466,2 мың теңгеге жетсе, Алматыда – 19,8% (690,6 мың теңге), Астанада – 17,4% (671,2 мың теңге), Шымкентте – 15,6% (527,9 мың теңге) болды.
Екінші нарықтағы тұрғын үй бағасы да бір жыл ішінде 14,6%-ға өсіп, республика бойынша орташа есеппен 1 шаршы метр үшін 594,7 мың теңгені құрады (қарашада – 587,9 мың теңге).
Қайталама нарықтағы ең жоғары өсім Алматы қаласында байқалды – 25,4% (738,3 мың теңге). Сонымен қатар Актөбеде бағалар 18,2%-ға (363 мың теңге), Павлодарда 17%-ға (449,4 мың теңге) өсті.
Астанада екінші нарықтағы пәтерлердің бағасы 10,9%-ға қымбаттап, 1 ш.м үшін 720,4 мың теңгеге жетсе, Шымкентте де өсім 10,9%-ды құрап, 466,9 мың теңге болды.
Жалға берілетін тұрғын үй бағасы да қымбаттауда. Ел бойынша бір жылда жалдау ақысы 13,1%-ға өсіп, 1 шаршы метр үшін орта есеппен 5 мың теңгені құрады.
Жалдау бағасының ең жоғары өсімі Павлодарда тіркелді – 42,9% (3,6 мың теңге). Одан кейін Петропавл – 40,9% (4,5 мың теңге) және Актөбе – 30,4% (3,2 мың теңге).
Алматыда жалдау құны бір жылда 11,6%-ға өсіп, 5,9 мың теңгеге жетті. Астанада өсім 11,9% (5,5 мың теңге), ал Шымкентте 12,9% (4,2 мың теңге) болды.
Айлық динамикаға тоқталсақ, 2025 жылғы қарашамен салыстырғанда желтоқсанда жаңа тұрғын үй бағасы орта есеппен 0,4%-ға, қайталама нарықтағы тұрғын үй 1,2%-ға, ал жалдау ақысы 2,1%-ға өскен.
