Qazaqstandaǵy reıtıngi joǵary ýnıversıtetter tizimin belgili boldy

Ǵylym jáne joǵary bilim mınıstrligi reıtıngi joǵary qazaqstandyq joǵary oqý oryndarynyń tizimin jarııalady, dep habarlaıdy qandastar.kz.

2024 jyly 5 maýsymda QS Quacquarelli Symonds joǵary bilim salasyndaǵy halyqaralyq taldaý agenttigi álemniń úzdik ýnıversıtetteri reıtınginiń 2025 jylǵy jańa shyǵarylymyn – QS World University Rankings-2025 shyǵardy.

“Qazaqstan reıtıngte 21 joǵary oqý orny usynylǵan. Onyń beseýi jaqsaryp, tórteýi óz pozıııalaryn saqtap, 12-si tómendedi. Ál-Farabı atyndaǵy Qazaq ulttyq ýnıversıteti qazaqstandyq joǵary oqý oryndary arasynda kóshbasshy bolyp qala beredi. Atalǵan ýnıversıtet 163-orynǵa ıe bolyp, álemniń úzdik 200 joǵary oqý orny qataryna qosyldy. Bul ótken jylǵy nátıjeden 67 pozıııaǵa jaqsy. Sondaı-aq L.Gýmılev atyndaǵy Eýrazııa Ulttyq ýnıversıteti (355-orynnan 321-orynǵa) jáne Sátbaev ýnıversıtetiniń (481-orynnan 405-orynǵa) kórsetkishteri jaqsardy”, – delingen habarlamada.

Sonymen qatar Qazaqstan reıtıngte bedel kórsetkishteriniń – akademııalyq bedeldiń jáne jumys berýshiler arasyndaǵy bedeldiń aıtarlyqtaı jaqsarǵanyn atap ótti.

«Ortalyq Azııanyń basqa elderimen salystyrǵanda Qazaqstan «Jumys berýshiler arasyndaǵy bedel» ındıkatory boıynsha jaqsy nátıjelerge qol jetkizdi. Buǵan Ortalyq Azııa aımaǵynyń árbir elindegi reıtıngke qatysýshy barlyq joǵary oqý oryndary úshin osy kórsetkish boıynsha eseptelgen ortasha mánder dálel bola alady”, – delingen habarlamada.  

Reıtıngke qatysqan 21 qazaqstandyq JOO-nyń 19-y «akademııalyq bedeli» jáne «jumys berýshiler arasyndaǵy bedeli» kórsetkishterin jaqsartty.

Ál-Farabı atyndaǵy Qazaq ulttyq ýnıversıteti men Gýmılev atyndaǵy Eýrazııa ulttyq ýnıversıteti eń jaqsy nátıje kórsetti. Solardyń ishinde «jumys berýshiler arasyndaǵy bedeli» boıynsha QazUÝ álemde 77-orynda.