Қазақстандық шахматшылар әлем чемпионатында 6 алтын алды

Фото:Қазақстан шахмат федерациясы

Грекияның Родос аралында 18 жасқа дейінгі шахматшылар арасындағы рапидтен әлем чемпионаты аяқталды, деп хабарлады qandastar.kz

Қазақстандық шахматшылар 6 алтын, 1 қола жеңіп алды.

2025 жылғы әлем чемпиондары:
Адинур Әділбек (O8)
Алиша Бисалиева (G8) — барлық 11 партияда жеңіске жетті
Амиржан Анетов (O10)
Айару Алтынбек (G14)
Ерғали Сүлеймен (O18)
Елназ Қалиахмет (G16)

Қола жүлде — Жансая Шолпанбек (G14)

Чемпионатқа 49 елден 433 спортшы бақ сынап жатыр.

Айта кетейік, бозбалалар мен қыздардың жарысы бөлек-бөлек өтеді. Қазақстан сайысқа 22 шахматшыны жіберді. Олардың ішінде екеуі ғана — Әдинұр Әділбек (O8) пен WFM Айару Алтынбек (G14) жарыс фавориттері саналды.

17 сәуір күні блицтен (5+3) жарыс аяқталады. Онда швейцариялық жүйе бойынша 11 тур өткізу жоспарланған.