Qazaqstandyqtardyń jeke deregi tarap ketken: Toqaev ulttyq messendjerge kóshýdi tapsyrdy

Foto: Aqorda

Prezıdent Qasym-Jomart Toqaev jasandy ıntellekt damýyna baılanysty jańa qaýipter paıda bolǵanyn aıtyp, derekterdi basqarý men kıberqaýipsizdikti kúsheıtý qajet ekenin málimdedi, dep jazdy qandastar.kz

Bul týraly Stan.kz aqparat agenttigi habarlaıdy.

Qasym-Jomart Toqaevtyń aıtýynsha, jasandy ıntellektiniń damýymen qaýip-qaterdiń múldem jańa túrleri paıda bolǵan.

«Úırenshikti áreket etý mehanızmderi oǵan beıimdelip úlgermeı jatyr. Neırojeliler kómegimen adamnyń bıometrııalyq kóshirmesi jasalatynyn, daýysyn, bet álpetin, tipti minez-qulqyn aınytpaı salýǵa bolatynyn bárimiz kórip otyrmyz . Bul azamattardyń jeke málimeti men bank esepshottaryna qol jetkizýge, qoǵamdyq pikirdi burmalaıtyn jalǵan beınerolıkter jasaýǵa múmkindik beredi», – dedi prezıdent.

Odan ári memleket basshysy aqparattyq júıelerdiń osal tustaryna toqtaldy. Prezıdenttiń sózinshe, jyl basynan beri derekterdiń qoldy bolýyna baılanysty 40-tan astam fakti tirkeldi.

«Eń iri oqıǵa maýsym aıynda boldy. Mundaı ınıdentterdiń basym bóligi jeke sektorda bolady. Biraq memleket elimizdegi ıfrlyq qaýipsizdiktiń jalpy deńgeıine tolyq jaýap berýge mindetti. Kıberqaýipsizdik salasyndaǵy búgingi ahýal quzyretterdiń durys bólinbeýi jáne shashyrańqylyǵy saldarynan kúrdelenip otyr. Bir jaǵynan aqparattyq qaýipsizdikke ıfrlyq damý mınıstrligi quramyndaǵy aqparattyq qaýipsizdik komıteti monıtorıng júrgizedi. Ekinshi jaǵynan qaýipsizdik talaptary boıynsha tehnıkalyq synaqtar júrgizý jáne sertıfıkattaý ulttyq qaýipsizdik komıtetine baǵynyshty memlekettik tehnıkalyq qyzmet quzyrynda. Biryńǵaı basqarý vertıkaliniń bolmaýy jáne fýnkııalardyń qaıtalanýy memlekettik organdardyń kıberqaýipke qarsy baıaý áreket etýine sebep bolady. Bul jaǵdaıdy tez arada túzeý kerek», – dedi prezıdent.

Qasym-Jomart Toqaev qorǵalǵan kommýnıkaııany qamtamasyz etýdi taǵy bir mańyzdy mindet retinde atady. Ol qazir iskerlik jáne qyzmet babyndaǵy baılanystyń, sonyń ishinde azamattardyń jeke derekterin berý úderisiniń basym bóligi halyqaralyq messendjerler arqyly júzege asatynyn atap ótti.

«Bul platformalarda jeke sáıkestendirý nómirin, azamattardyń densaýlyǵy týraly málimetti jáne basqa da derekterdi jıi suraıdy. Mundaı tájirıbe jeke málimetterdi qorǵaý týraly zańnamaǵa qaıshy jáne ulttyq ıýrısdıkııadan tysqary jerge derekterdiń tarap ketýine ákelip soǵady. Qazaqstanda otandyq Aitu messendjeri ázirlendi. Ol tıisti qaýipsizdik deńgeıin qamtamasyz ete alady. Úkimet jeke derekterdi qoldanatyn barlyq kommýnıkaııany qorǵalǵan ulttyq messendjerge kóshirý máselesin pysyqtaýy kerek», – dedi Qasym-Jomart Toqaev.

Eske salaıyq, buǵan deıin Qazaqstanda 16 mıllıonnan astam azamattyń jeke derekteri jelige tarap ketkenin habarlaǵan edik. Ashyq qoljetimdilikke túsken derekterdiń ishinde azamattardyń aty-jóni, týǵan kúni, JSN, telefon nómirleri men mekenjaılary bar. Mekenjaı tizbeginde jıi kezdesetin mekenjaılar qatarynda stomatologııa, emhanalar, Salyq komıteti, ýnıversıtetter men basqa da uıymdar kórsetilgen. О́z derekteriniń taralýyna kúmándanǵan azamattarǵa eGov, onlaın bankıng jáne memlekettik kirister komıtetiniń bazasyndaǵy belsendilikterin tekserý usynylady.