Álem jańalyqtary
Qazaqstannan alynǵan etten brýellez tabyldy – Túrkimenstandyq BAQ
Foto: Pixabay.com
Túrkimenstan Qazaqstannan kelgen etten brýellez tabylyp, sol et partııalary balalar mekemeleri men saýda jelilerine túskenin málimdedi, dep jazdy qandastar.kz
Bul týraly Stan.kz aqparat agenttigi Túrkimenstan hronıkasy saıtyna silteme jasap habarlaıdy.
Basylymnyń málimetinshe, muzdatylǵan et partııalary Túrkimenstanǵa Aqmola oblysynan kelgen. Keıinnen sanıtarlyq-epıdemıologııalyq saraptama júrgizetin zerthana synamalardan brýellezdi anyqtady. Qazaqstan tarapy ımporttaýshy kompanııa tólengen aqshany tolyǵymen qaıtaratynyn aıtty.
Anyqtalǵandaı, ónimderdiń birinshi partııasy Ahal velaıatynda, onyń ishinde mektepke deıingi mekemeler men balalar úılerine taratyldy. Ekinshi partııa Mary jáne Lebap velaıattaryndaǵy tutynýshylar qoǵamynyń saýda núkteleri arqyly satyldy. Ettiń bári tamaqqa qoldanylǵan.
Túrkimenstannyń densaýlyq saqtaý jáne medıınalyq ónerkásibi mınıstrligi aýrýhanalardyń juqpaly aýrýlar bólimshelerin tekserip, qajet bolǵan jaǵdaıda naýqastardy oqshaýlaýdy tapsyrdy.
