Фото:- Caravan.kz
2025 жылғы 6 қазан күні түнгі сағат 01:29-да Қазақстан аумағында бірқатар елді мекендерде жер сілкінісінің дүмпулері сезілді, деп жазды qandastar.kz
ҚР ТЖМ «Ұлттық ғылыми-сейсмологиялық зерттеу институты» ЖШС-нің мәліметінше, зілзаланың эпицентрі Алматы қаласынан оңтүстік-батысқа қарай, Қырғызстан аумағында, шамамен 465 шақырым қашықтықта орналасқан. Жер сілкінісінің тереңдігі — 10 км. Магнитудасы MPV 5.9, ал энергетикалық класы — 13.3 деп бағаланған.
Сезілген дүмпулер (MSK-64 шкаласы бойынша):
Жер сілкінісінің әсері Жамбыл және Түркістан облыстарының 30-дан астам елді мекенінде байқалды. Ең жоғары сезілген қарқындылық — 4 балл:
- Жамбыл облысы: Тараз қаласы, Жуалы ауданы (Бауыржан Момышұлы ауылы), Байзақ ауданы (Сарыкемер ауылы), Жамбыл ауданы (Аса ауылы)
- Түркістан облысы: Түлкібас ауданы (Тұрар Рысқұлов ауылы)
3 балл шамасында дүмпулер сезілген елді мекендер:
- Шымкент қаласы
- Түркістан облысы: Леңгір, Манкент, Ақсукент, Қазығұрт, Темірлан, Шаян
- Жамбыл облысы: Қаратау, Құлан, Мерке
2 балл шамасында дүмпулер:
- Түркістан облысы: Сарыағаш, Арыс, Абай, Шолаққорған, Шәуілдір, Мырзакент, Шорнақ, Жетісай, Шардара
- Жамбыл облысы: Шу, Төле би, Мойынқұм, Қордай, Жаңатас
Зардаптар мен әрекеттер:
Қазіргі таңда жер сілкінісінен зардап шеккендер немесе нысандардың қирауы туралы ақпарат тіркелмеген. Жамбыл облысының әкімі Ербол Қарашөкеев жағдайды жеке бақылауына алған.
Жамбыл облысы Төтенше жағдайлар департаментінің базасында жедел штаб құрылып, оқиға орнын зерттеу жұмыстары жүргізілуде. Қосымша мәліметтер ресми дерек көздерінен таратылады.
Жедел байланыс желілері:
- ҚР ТЖМ Командалық орталығы: 8 (7172) 70-41-18
- Жамбыл облысы ТЖД: 8 (7262) 51-35-75
Халықтан сабыр сақтап, тек ресми ақпараттарға сенуге шақырамыз.