«Қазгидромет» Қазақстанда ауа сапасын бақылауға арналған қосымшаны жаңартты

Фото: ашық дереккөз

Қазақстандағы ауа сапасын бақылайтын  AirKZ  мобильді қосымшасы жаңартылды, – деп хабарлайды .qandastar.kz

Енді қосымшада бүкіл ел бойынша 70 елді мекенде және 170 экологиялық постта ауа сапасы туралы мәліметтер бар. Пайдаланушылар жазбаларды қолмен таңдай алады немесе қосымша арқылы жақын жерді автоматты түрде анықтауы үшін геолокацияны пайдалана алады.

Қосымша азот диоксиді, көміртегі тотығы, күкіртті сутек және т.б. сияқты ластаушы заттардың концентрациясы туралы деректерді көрсетеді. Жаңа нұсқада ластаушы заттардың рұқсат етілген шекті концентрациясының (ШРК) асып кетуі туралы мәліметтер де қосылған.

Сонымен қатар  қолданушыларға ыңғайлы болу үшін қосымшаның интерфейсі жаңартылып, IOS пен Android жүйелерінде қолдану жақсарған. Енді қосымша ластануды өлшеудің халықаралық стандарттарына сәйкес келеді және арнайы белгі арқылы ШРК-дан асып кету туралы ескертеді.  AirKZ  көмегімен пайдаланушылар өз аймағындағы ауа сапасын тезірек және оңай бақылай алады.