Қазгидромет: Синоптиктер ескерту жасады

Фото: ашық дереккөз

«Қазгидромет» РМК синоптиктері ертең, 2 сәуірде елдің басым бөлігінде ауа райы қолайсыз болатынын болжады, деп хабарлайды Skifnews.kz ақпарат порталы.

Қарағанды облысында түнде және таңертең тұман.

Ұлытау облысында түнде және таңертең облыстың солтүстігінде, шығысында, орталығында тұман түседі.

Қостанай облысының солтүстігі мен шығысында түнде және таңертең тұман түседі. Оңтүстік-батыстан соғатын желдің екпіні 15-20 м/с-ке жетеді.

Шығыс Қазақстан облысының солтүстігінде, шығысында, оңтүстігінде жауын-шашын (жаңбыр, қар), көктайғақ, күндіз облыстың солтүстігінде, шығысында жаңбыр. Түнде және таңертең облыстың батысында, солтүстігінде, шығысында тұман түседі. Жел солтүстік-батыстан соғады, облыстың оңтүстігінде екпіні секундына 15-20 метрге жетеді.

Абай облысының солтүстігінде, шығысында, оңтүстігінде жауын-шашын (жаңбыр, қар), көктайғақ күтіледі. Түнде және таңертең облыстың солтүстігінде, шығысында, оңтүстігінде тұман күтіледі. Жел солтүстік-батыстан соғады, облыстың солтүстігінде, шығысында 15-20 м/с.

Батыс Қазақстан облысында жел оңтүстік-батыстан солтүстік-шығысқа ауысып соғады, күндіз облыстың оңтүстігінде, шығысында екпіні 15-20 м/с.

Атырау облысында оңтүстік-шығыстан оңтүстік-батысқа ауысып жел соғады, облыстың батысында, оңтүстігінде, шығысында екпіні 15-20 м/с.

Ақмола облысында тұман, көктайғақ күтіледі.

Қызылорда облысында жел шығыстан соғады, күндіз облыстың орталығында 15-20 м/с күтіледі.

Ақтөбе облысында оңтүстік-шығыстан, оңтүстіктен жел соғады, күндіз облыстың солтүстігінде, батысында, орталығында екпіні 15-18 м/с күтіледі.

Жамбыл облысының шығысында, таулы аудандарында найзағай күтіледі. Түнде және таңертең таулы аудандарында тұман күтіледі. Солтүстік-шығыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с күтіледі.

Маңғыстау облысының батысында, орталығында тұман.

Астанада түнде және таңертең тұман, көктайғақ болады.

Павлодар облысының солтүстігінде, орталығында тұман түседі.

Солтүстік Қазақстан облысында оңтүстігінде, солтүстігінде, шығысында тұман түседі. Оңтүстік-батыстан жел соғады, күндіз облыстың батысында, солтүстігінде екпіні секундына 15-20 метрге жетеді.

Жетісу облысында солтүстік-шығыстан жел соғады, облыстың шығысында екпіні 15-20 м/с болады.