Kitaphanashylar 46 mln teńge urlaǵan

Foto: Ashyq derekkózden

Batys Qazaqstan oblysynda kitaphana býhgalterlerine qatysty is sotqa joldandy. Olarǵa shamamen 46 mıllıon teńgeni jymqyrdy degen aıyp taǵylyp otyr, dep habarlaıdy Qandastar.kz.

BQO Ekonomıkalyq tergeý departamentiniń málimetinshe, 2023 jyldan 2025 jylǵa deıin kitaphananyń bas býhgalteri men býhgalteri qylmystyq kelisimge kelip, aı saıyn joq qyzmetkerlerge jalaqy eseptep otyrǵan. Qarajatty olar ózderiniń bank shottaryna aýdarǵan. Memleketke keltirilgen jalpy zalal 45,9 mıllıon teńgeni qurady.

«Qabyldanǵan sharalardyń nátıjesinde kináli adamdar anyqtaldy, memleketke keltirilgen shyǵyn tolyq kólemde óteldi», – dedi vedomstvo.

Qazirgi ýaqytta sotqa deıingi tergeý aıaqtalyp, qylmystyq is sotqa joldandy.