Көкшетауда сауда орталықтарының бірінде ойнап жүрген бүлдіршінді жаңажылдық безендіруден тоқ соқты, деп хабарлайды qandastar.kz порталы kokshe.media-ға сілтеме жасап.
Сәбидің анасының айтуынша, оқиға 2025 жылдың 22 желтоқсанында болған.
Небәрі 1 жас 9 айлық қызы сауда орталығының бірінші қабатында қолжетімді және қорғалмаған жаңажылдық безендіруден тоққа түсіп қалған.
Әйелдің айтуынша, безендіру балаларға еркін қолжетімді жерде болған.
Оқиға салдарынан кішкентай қыздың алақаны зардап шегіп, оған үшінші дәрежелі күйік диагнозы қойылған.
Ол шұғыл түрде облыстық балалар ауруханасына жатқызылған.
Әйел жарақаттың ауыр екенін баса айтты.
Қалалық полиция басқармасы фактінің тіркелгенін мәлімдеді.
