“Qoldaý kórsetýlerińizdi suraımyn”: Fýtboldan Qazaqstan quramasynyń bapkeri Cherchesov óziniń qazaq tilin úırenýdi bastaǵanyn málimdedi

Foto: ashyq derekkóz

Fýtboldan Qazaqstan quramasynyń bapkeri Stanıslav Cherchesov óziniń qazaq tilin úırenýdi bastaǵanyn málimdedi. Bul týraly Stan.kz aqparat agenttigi habarlaıdy.

Baspasóz máslıhatynda ózine qazaq tilinde suraqqa qoıylǵanyna shaǵymdanǵan fýtboldan Qazaqstan щuramasynyń bapkeri jelide jazba jarııalap, qazaq tilin úırenýdi bastaǵanyn málimdedi.

«Armysyzdar! Dostar, men Qazaqstan sekildi ádemi ári qonaqjaı elde bolǵanyma qýanyshtymyn. Bizdi alda kóp jumys kútip tur, osy qıyn jolda bizge túsinistikpen qarap, qoldaý kórsetýlerińizdi suraımyn. Biz kúshimizdi biriktirý arqyly ǵana úlken nátıjelerge qol jetkize alamyz. Búginnen bastap qarym-qatynasymyz ben túsinisýimizde mańyzdy ról atqaratyn qazaq tilin úırene bastadym. Búgin men birinshi sabaǵymdy ótkizdim. Qazaq tilin meńgerk maǵan tezirek úırenip, elińizdiń mádenıeti men dástúrin jaqsyraq túsinýge kómektesetinine senimdimin. Rahmet” – dep jazdy bapker.

Eske salsaq, Fýtboldan Qazaqstan quramasynyń bapkeri Stanıslav Cherchesov baspasóz máslıhatynda ózine qazaq tilinde suraqqa qoıylǵanyna shaǵymdandy.

Jýrnalısterdiń biri bapkerge qazaq tilinde suraq qoıǵan. Al bapker onyń suraǵyn túsinbeıtinin aıtyp aýdarmashynyń kómegine júginipti.