“Командирі елемеген»: Жаңбыр астында «Көшпенділер ойының» тәртібін күзеткен сарбаз комаға түсті

Фото: Ашық дереккөз

Астанада өтіп жатқан көшпенділер ойындарының қауіпсіздігін күшейтуге келген сарбаз комаға түсті, – деп хабарлайды qandastar.kz Massaget.kz материалына сүйеніп.

Аталған ақпаратты алғаш болып facebook желісінде Алма Сайлауқызы деген қолданушы жазды.

«Көшпенділер ойынына «усиление» үшін келген жігіт тұрған жерінде құлап, комаға түсіпті. Жаңбыр астына таңнан кешке дейін тұрған сарбаз командиріне бірнеше күн бойы қызуы көтеріліп тұрғанын айтса да, тәртіп солай деп елемеген», – делінген Сайлауқызының жазбасында.

Аталған ақпаратты қалалық Полиция департаменті растады.

«Қазіргі таңда мән-жай анықталып жатыр, қосымша ақпаратты хабарлаймыз», – деді қалалық Полиция департаментінің баспасөз қызметінің өкілі Эльмира Шауленова.

Айта кетейік, 8-13 қыркүйек күндері Астанада V Дүниежүзілік Көшпенділер ойыны өтеді. Алдын ала болжам бойынша, ойынға 2430 қатысушы, 100 мыңға жуық турист келеді. Сондай-ақ 300-400 шетелдік БАҚ қатысуға өтінім берген.