Konstıtýııanyń 30 jyldyǵy: 4,1 myń adam temir tordan shyǵady

Májilis depýtaty Únzıla Shapaq Konstıtýııanyń 30 jyldyǵyna oraı qansha adamǵa raqymshylyq jasalatynyn aıtty, dep habarlaıdy Qandastar.kz aqparat portaly BAQ.KZ saıtyna silteme jasap.

Depýtattyń dereginshe, 4,1 myń adam bosatylady.

Aldyn ala esep boıynsha, qylmystyq atqarý mekemelerinen shamamen 632 sottalǵan, probaııa qyzmetiniń tiziminde turǵan 3,5 myń adam bosatylmaq. Al bas bostandyǵynan aıyrý oryndaryndaǵy 5,4 myń sottalǵanǵa jáne probaııa qyzmetiniń esebinde turǵan 5,5 adamǵa jazanyń ótelmegen merzimin saralap qysqartý qoldanylady. Sonda, barlyq merzim qysqartý 11 myń adamdy qamtıdy, — deıdi Únzıla Shapaq.

Eske salaıyq, buǵan deıin Májilis depýtattary Konstıtýııanyń 30 jyldyǵyna oraı raqymshylyq jasaý týraly zań jobasyn qoldady.

Májiliste «Qazaqstan Respýblıkasy Konstıtýııasynyń otyz jyldyǵyna baılanysty raqymshylyq jasaý týraly» zań jobasy qaraldy. Qujat boıynsha azamattar men memlekettiń qaýipsizdigine eleýli qater tóndirmeıtin qylmystar jasaǵan adamdardy, sondaı-aq áleýmettik osal sanattaǵy sottalǵandardy bosatý usynylady.

Zańnama jáne sot-quqyqtyq reforma komıtetiniń tóraıymy Snejanna Imashevanyń aıtýynsha, raqymshylyqqa kámeletke tolmaǵandar, júkti áıelder, kámeletke tolmaǵan balalary bar analar, Uly Otan soǵysyna qatysýshylar men múgedekter, sondaı-aq zeınetkerler men olarǵa teńestirilgen azamattar iligýi múmkin.

Eske salaıyq, osyǵan deıin Konstıtýııanyń 30 jyldyǵyna oraı túrmege qamalǵandarǵa raqymshylyq jasaý týraly zań jobasy qaralyp jatqanyn jazǵan bolatynbyz.