Konert múldem ótpeı qalǵan: Perızat Qaırat isinde tanymal ýkraınalyq ánshiniń esimi ataldy

Perızat Qaırat pen onyń anasy Ǵaını Alashbaevaǵa qatysty tergeý isi jalǵasyp jatqanda, bul iske ýkraınalyq tanymal ánshi Ivan Dorn da qatysy bar bolýy múmkin degen málimet paıda boldy, dep jazdy Qandastar.kz Alash.kz-ke  silteme jasap.

Prokýror Madına Orazalınanyń aıtýynsha, tergeý barysynda festıval uıymdastyrýǵa baılanysty túrli qujattar tabylǵan. Sonyń biri – Ivan Dornnyń óner kórsetýine jasalǵan shot-faktýra. Qujatqa sáıkes, ánshige 9 myń eýro (shamamen 5,5 mıllıon teńge) kóleminde gonorar tólengen. Konert Astanadaǵy golf-klýbta ótýi kerek bolǵanymen, shara múlde ótpeı qalǵan.

«Qolda bar málimetterge súıensek, festıval uıymdastyrylmaǵan, biraq ánshige tolyq kólemde gonorar aýdarylǵan», – dedi prokýror.

Eske sala keteıik, Perızat Qaırat pen onyń anasy tasqynnan zardap shekkenderge arnalǵan qarajatty maqsatsyz jumsady degen kúdikpen tergelýde. Buǵan deıin bul qarajatqa katerler, kólikter jáne qymbat taýarlar satyp alynǵany habarlanǵan bolatyn