Қостанайлық көлеңкесінен қорқып, «Аманат» кеңсесін қиратқан

Фото: ашық дереккөз

«Аманат» партиясы кеңсесінің әйнегінен өзін көрген қостанайлық өзінің  бет-әлпетінен шошып, оны сындырып тастады, деп хабарлайды qandastar.kz Orda.kz-ке сілтеме жасап. 

Полицияның мәліметінше, ер адам масаң күйде болған. Ол терезені сындырғаннан  кейін жолдан өтіп, сүрініп, құлап, тұрып кетіп қалған.

Қоғамдық орында бұзақылық көрсеткен адам бейнебақылау камералары көмегімен  табылды. Оның айтуынша, айнадағы бет-әлпеті өзіне ұнамай қалыпты.

Ер адам «Аманат» кеңсесіне келтірілген залал үшін 80 мың теңге төледі. Әкімшілік айыппұл сомасы 185 мың теңге болды.