Қосымша құн салығының цифрлық жобасы іске қосылды

Фото: ашық дереккөз

Қосымша құн салығының цифрлық жобасы іске қосылды, деп жазды qandastar.kz

Бұл қосымша құн салығы процесін жеделдетпек. Әзірге жоба сынақ ретінде енгізілді. 

Үкімет басшысы цифрлық қаржы инфрақұрылымының ауқымын одан әрі кеңейтудің, сондай-ақ бюджет қаражатын біршама үнемдеуді қамтамасыз ететін цифрлық теңгені неғұрлым кеңінен пайдаланудың маңызды екенін айтты. 

«Бизнес-үдерістер де өзгеріп, ашық болуы керек. Бюджет ақшасымен жұмыс істесеңіз – ашық болыңыз. Оларды қайда жұмсайтыныңызды және жеткізушілердің, мердігерлердің, қосалқы мердігерлердің толық тізбегін көрсетіңіз. Сондай-ақ цифрлық теңгенің пилоттық жобасын кеңейту қажет», — деп атап өтті Олжас Бектенов.

Сыбайлас жемқорлыққа қарсы іс-қимыл агенттігінің төрағасы Асхат Жұмағали цифрлық теңге жобасы сыбайлас жемқорлыққа барынша бейім салаларда сынақтан өтіп жатқанын айтты. Бүгінде 250 млрд-қа жуық цифрлық теңге айналымға енгізілген. 

«Арнайы бағдарланған цифрлық теңге бүгінде фермерлердің мал басын сатып алуына несие беру кезінде пайдаланылды әрі жалған мәмілелер мүмкіндігін жойып, процестің толық ашық өтуін қамтамасыз етті», — деді агенттік төрағасы.